A concelleira de Educación, Lorena Castro, reuniuse co director da Uceira, Luis Prieto Atanes, para escoitar as necesidades da comunidade educativa. “É importante coñecer a situación dos centros educativos do Carballiño, colaborar e axudar en todo o que poidamos desde o Concello”, resalta Castro.
Nesa liña, a edila mantén reunións periódicas cos distintos equipos directivos dos colexios e institutos do municipio para identificar as actuacións prioritarias e trasladar as necesidades á Consellería de Educación, co obxectivo de lograr a súa colaboración e apoio.
