O presidente do Goberno, Pedro Sánchez, anunciou que o Consello de Ministros aprobará hoxe martes a norma que garante o subsidio por desemprego para as empregadas do fogar. Con esta medida -subliñou- «poñemos fin a unha inxustiza inaceptable», somos coherentes co compromiso do Goberno de «recoñecer dereitos laborais e a dignidade laboral a distintos colectivos que foron preteridos durante moitos anos» e «asumimos como propio un mandato da Organización Internacional do Traballo».
Así o avanzou durante o acto co que inaugurou onte o curso político, no complexo da Moncloa, que tivo como protagonistas a medio centenar de cidadáns que, ao longo desta lexislatura, escribiron ao presidente para trasladarlle as súas inquietudes e reflexións, ou formaron parte do programa de visitas ‘Moncloa Aberta’. Sánchez agradeceulles a súa presenza e subliñou que a vocación do goberno é «gobernar coa xente e para a xente, para a clase media e traballadora», que «son os que máis necesitan a acción e o compromiso do público».
