Nota de prensa de Podemos Ourense:
O Ministerio de Facenda interveu oficialmente as contas do Concello de Ourense debido ao grave incumprimento nos pagamentos a provedores, cun período medio de pago que chega aos 117 días —moi por enriba do límite legal de 30— e unha débeda acumulada que supera os 10,8 millóns de euros. Como resultado, o Goberno central viu obrigado a conceder un préstamo forzoso para saldar as facturas pendentes e a impoñer a elaboración dun plan de axuste económico estrito.
A situación agrávase polo alarmante impago aos servizos de emerxencia: o Concello adebeda 4,2 millóns de euros ao corpo de bombeiros, poñendo en risco a continuidade do servizo e a seguridade cidadá. A pesar desta débeda, o goberno municipal decidiu aumentar a partida destinada a gastos de persoal, mentres que o número de empregados públicos diminúe e os orzamentos para festas e eventos se incrementan notablemente.
“Namentres non hai cartos para pagar aos bombeiros ou aos provedores, medran os fondos para festas e para un persoal que cada vez é máis escaso. Isto non é unha mala xestión: é unha irresponsabilidade planificada”, alertou o voceiro municipal, Francisco Diéguez, quen tamén denunciou a falta de transparencia e o desprezo polos servizos públicos esenciais.
Desde o Concello tamén se criticou a inacción e falta de responsabilidade política dos grupos da oposición (PP, BNG e PSOE), que optaron por non apoiar medidas para saír da crise. A súa pasividade agrava a situación financeira, afectando directamente os servizos esenciais.
Ourense necesita solucións urxentes e un compromiso real cunha xestión eficaz e transparente. Mentres tanto, a cidade paga o prezo dunha xestión irresponsable e dunha oposición inactiva.
Francisco Diéguez,
Portavoz Podemos Ourense
