O Grupo Municipal Socialista denuncia que os orzamentos municipais chegan a súa aprobación definitiva con alegacións mal tramitadas, desestimadas de manera automática ou simplemente ignoradas e defendeu que «Ourense precisa uns orzamentos serios, transparentes e participativos que cumpran coa legalidade. Estes orzamentos non o cumplen, e por iso o noso voto é e seguirá sendo un NON rotundo», así o indicou a voceira socialista Natalia González.
Os socialistas indican que os orzamentos aprobados polo Goberno municipal non respectan os dereitos dos traballadores municipais, nin apoian o movemento veciñal e tampouco atenden ás necesidades reais da cidadanía e da economía local. Así o manifestou a súa voceira municipal, Natalia González, no pleno extraordinario celebrado esta mañá no Concello de Ourense no que se resolveron as alegacións presentadas polo veciñanza e as asociacións locais aos orzamentos de DO deixando clara a posición dos socialistas en contra desde documento.
«Mantemos o voto en contra, tanto polo contido destes orzamentos como pola forma en que o goberno municipal tramitou e respondeu —ou, mellor dito, non respondeu— ás alegacións presentadas», respaldou a voceira. «Son uns orzamentos que naceron sen diálogo, sen negociación e sen transparencia.»
No pleno extraordinario rexeitáronse as alegacións presentadas por 5 representantes do tecido social e económico da cidade, así como diferentes particulares.
En primeiro lugar, un funcionario solicitou que se corrixise a descrición do seu posto de traballo no orzamento. A resposta foi unha inadmisión automática, amparándose en formalismos xurídicos e evitando entrar no fondo da cuestión. É unha mostra máis da falta
de vontade deste goberno para dialogar e corrixir erros evidentes.
En segundo lugar, un veciño pediu a revisión de oficio da aprobación inicial destes orzamentos, sinalando defectos moi graves: incompetencia do órgano que emitíu informes, vulneración da función interventora e mesmo previsións contrarias á lexislación básica do Estado. A resposta do goberno foi a de sempre: pechar filas e desestimar, cun informe asinado pola mesma persoa que estaba sendo cuestionada. Un círculo vicioso que non ofrece garantías de imparcialidade nin de rigor.
En terceiro lugar, a Asociación de Comerciantes e Industriais da Praza de Abastos reclamaba que se cumprise cos convenios e contratos asinados coa concesionaria. Falamos de trasladar e mellorar unhas instalacións que son clave para a economía local. O informe técnico recoñece que non hai obriga inmediata para o Concello, pero a alegación segue sen unha resolución formal, o que mantén a incerteza para un sector estratéxico da nosa cidade.
O mesmo ocorre coa alegación da Agrupación Miño, que pedía recuperar as partidas de participación cidadá e de apoio ao movemento veciñal. Estamos a falar de cantidades moi asumibles —150.000 euros para programas de participación e 120.000 para entidades veciñais— que son fundamentais para manter vivo o tecido social. Mais esta alegación tamén segue sen resolver, o que demostra a falta de sensibilidade do goberno coa participación democrática e coas asociacións veciñais.
E, por último, o sindicato CSIF denunciou a falta de negociación colectiva no capítulo de persoal, así como a vulneración da Lei de Emprego Público de Galicia. Unha denuncia grave, que debería preocupar a todos e que tamén permanece sen resposta nin solución.
