A sede del Partido Popular de Allariz foi o escenario da presentación da nova xestora local, encabezada por José Benito Grande e apoiada inicialmente por un equipo de cinco integrantes. Ao acto acudiron o presidente provincial, Luis Menor, e a secretaria xeral, Sandra Quintas. Menor destacou que esta nova etapa busca revitalizar a estrutura interna do partido, fortalecendo a súa presenza de cara ás eleccións municipais de 2027. Animou ao equipo a elaborar un proxecto de concello que recolla as preocupacións da veciñanza e a seguir sumando persoas interesadas en traballar polo municipio. Pola súa parte, Grande expresou o seu compromiso de liderar un equipo sólido que impulse un cambio de goberno local. Tanto Menor como Grande agradeceron a Luz Doporto, presidenta saínte, a dedicación mostrada ata o de agora, asegurando que seguirá colaborando co PP de Allariz nesta nova etapa.
