A Axencia Galega de Innovación presentará en Verín as axudas previstas para este ano

Parador Castillo de Monterrei en Verín
Parador Castillo de Monterrei en Verín

O próximo luns, 2 de maio, a Xunta de Galicia e a Confederación Empresarial de Ourense organizan en Verín unha xornada informativa para presentar as novas axudas públicas Innova Peme e Deseña Peme da Axencia Galega de Innovación dirixidas ás empresas. A cita terá lugar ás 12:30 no salón de actos da Casa da Cultura de Verín en formato híbrido (presencial e online).

Este encontro contará coas intervencións de Gerardo Seoane, alcalde do Concello de Verín, Patricia Argerey, directora da Axencia Galega de Innovación (GAIN), Marisol Novoa, presidenta da CEO, así como directora e técnica da área de servizos de GAIN, Patricia Fernández e Patricia López respectivamente.

A convocatoria de Verín é a única na provincia que fará este organismo para explicar con detalle as axudas e oportunidades que a innovación ofrece ás empresas e como realizar a súa implantación; e aínda que é posible a conexión online, a presencia no acto dará a oportunidade aos asistentes de facer networking cos responsables da axencia, consultas in situ, recibir asesoramento individual trala exposición das axudas e coñecer casos concretos de empresas que xa participaron e implantaron estas axudas.

Acto -> Xornada híbrida para presentar as axudas da Axencia Galega de Innovación – GAIN
Lugar -> Salón de actos da Casa da Cultura de Verín e modalidade online
Data e hora -> luns, 2 de maio – 12:30 horas
Interveñen:
Gerardo Seoane, alcalde de Verín
Patricia Argerey, directora de GAIN
Marisol Novoa, presidenta Confederación Empresarial de Ourense
Patricia Fernández, directora área servizos GAIN
Patricia López, técnica área servizos GAIN

Pin It on Pinterest

Ir arriba
Utilizamos nuestras Cookies y alguna de terceros para poder ofrecerte la mejor experiencia cuando visites Ourense.com. Si lo deseas, puedes informarte en nuestra web sobre cada una de las Cookies que usamos e incluso también eliminar aquellas que no sean esenciales. Para una mejor experiencia con nosotros te ofrecemos la posibilidad de activar o desactivar las cookies no imprescindibles en cualquier momento desde el menú correspondiente. Nuestra Política de Privacidad también está a tu servicio.    Más información
Privacidad